Ne nuk jemi ishull
Festivali i parë rajonal feminist në Kosovë u organizua për 4 ditë, filloi si një festival i vogël por ka arritur misionin e tij duke u bërë një vend mikpritës për gratë artiste për të treguar artin e tyre, të frymëzuara nga temat sociale dhe dëshira për respektimin e të drejtave të tyre, për të siguruar një atmosferë argëtuese dhe dinamike që vizitorët të mësojnë mbi çështjet sociale me të cilat përballen gratë e Kosovës dhe gratë artiste në rajon. Motoja e vitit 2013 ishte "Ne nuk jemi ishull", duke synuar të forcojmë diskutimet dhe të tërheqim vëmendje për çështjet që lidhen me feminizmin në Kosovë dhe të shërbejë si një thirrje për më shumë bashkëpunime ndërmjet grave kosovare dhe atyre nga rajoni si aktore të rëndësishme në ndërtimin e paqes dhe rritjes së bashkëpunimit.
Përmbajtja e programit Femart 2013: 4 shfaqje teatrore, 2 ekspozita fotografish, 12 filma të shkurtër dhe dokumentarë, 2 koncerte, 1 natë me poezi, 1 promovim i librit, prezantime mbi drejtësinë tranzicionale, prezantime dhe diskutime mbi feminizmin në rajon dhe festivale të ngjashme në rajon, etj. Teatri Oda në Prishtinë, ishte nikoqir i edicionit të parë të festivalit FemArt. Gjatë katër ditëve të festivalit ishin mbi 60 artistë dhe aktivistë (gra dhe burra) nga Kosova, Shqipëria, Suedia, Serbia, Maqedonia, Bosnja dhe Hercegovina, të cilët u përfshinë përmes aktiviteteve dhe projekteve të tyre. Festivalin e vizituan rreth: 2000 njerëz
