TI UDHËHEQ
Edicioni i 6-të i festivalit FemArt,
Edicioni i 6-të i festivalit FemArt, që u mbajt gjatë periudhës 25-30 maj, 2018, ndryshe nga herat e kaluara këtë vit u realizua në tri komuna të ndryshme: Prishtinë, Ferizaj dhe në Mitrovicën e Veriut. Motoja e festivalit këtë vit ka qenë TI UDHËHEQ duke inkurajuar udhëheqjen e grave, vajzave dhe burrave në lëvizjet shoqërore, pjesëmarrje më të madhe në ngjarje artistike dhe aktivizmin shoqëror, për kontribut më të madh dhe solidaritet me gratë dhe burrat të cilëve ju shkelen të drejtat në bazë të etnicitetit, qëndrimit shoqëror, racës dhe preferencave seksuale. Festivali paraqiti krijime origjinale artistike të krijuara nga gratë nga Kosova, rajoni dhe mbarë bota, me 8 shfaqje teatrore, 1 shfaqje e cirkut, 1 shfaqje e vallëzimit, 9 filma artistik, 1 film dokumentar, 1 performancë e rrugës, 6 koncerte muzikore, 3 ekspozita, 5 panele dikutimi, 2 konferenca, 1 promovim, 1 mbrëmje artistike, 1 forum, 1 inaugurim, 6 punëtori, 3 ndeja.
Lexo më shumë
Të gjitha këto ngjarje të fuqishme dhe frymëzuese u zhvilluan në më shumë se 15 lokacione dhe 3 qytete të Kosovës, në Prishtinë, Ferizaj dhe Mitrovicë të Veriut: Teatri Oda, Teatri Dodona, Biblioteka Kombëtare, Klubi “M”, Fakulteti i Arteve, “Hamam Jazz’ Bar, Sheshi i qytetit, Kino “Armata”, Muzeu u Kosovës, EUICC, Qendra kulturore “Aquarius” / Mitrovicë e Veriut.
Gjatë këtyre gjashtë ditëve festivalin e përshkuan mbi 120 artiste/artistë dhe aktiviste/aktivistë (gra dhe burra) nga Kosova, Shqipëria, Italia, Franca, Holanda, Islanda, Gjermania, Rumania, Maqedonia Veriore, Serbia, Suedia, SHBA, të cilët u përfshinë përmes aktiviteteve dhe projekteve të tyre. Si çdo vit, reth 30 vullnetarë/e ishin pjesë e organizimit të festivalit.
Program
- Dita 1 E Premte - 25.05.18
- Dita 2 E Diell - 26.05.18
- Dita 3 E Shtunë - 27.05.18
- Dita 5 E Hënë - 28.05.18
- Dita 5 E Martë - 29.05.18
- Dita 6 E Merkurë - 30.05.18
