Në kohën kur bota shënon vuajtje të njëpasnjëshme, thirrja MOTËRZIM në kohë lufte është domosdoshmëri për të siguruar PAQE.
Baza e feminizmit është motërzimi. Motërzimi në kohë lufte na bën fitimtarë, kurse në kohë paqe na siguron progres. Ajo i shpërbën kufijtë e racës, kombësisë, fesë dhe ideologjisë. Është një lidhje e krijuar në ndjeshmëri, e ushqyer nga empatia dhe e forcuar përmes veprimit kolektiv. Motërzimi na mundëson ta shohim veten të reflektuar në betejat e të tjerëve, të njohim humanizmin e tyre si tonin dhe të solidarizohemi në kërkim të drejtësisë dhe dinjitetit.
