FESTIVALI NDËRKOMBËTAR I ARTISTEVE DHE AKTIVISTEVE
Edicioni i katërt i festivalit FemArt i cili u mbajt në datat 25 deri 30 maj, në Prishtinë, ofroi një javë të tërë me aktivitete të cilat u mbajtën në: Teatri Oda, Fakulteti i Arteve, Biblioteka Kombëtare dhe Teatri Kombëtar i Kosovës. Programi i festivalit përfshinte tema të ndryshme, si: dhuna ndaj grave, dhuna seksuale gjatë luftës, të drejtat e njeriut, paqja dhe drejtësia tranzicionale në Ballkan, fuqizimi i grave, të drejtat LGBTQI, të drejtat e shëndetit seksual dhe riprodhues, aktivizmi me fokus të veçantë tek të rinjtë, shkëmbimi i përvojave të suksesshme në rajon dhe në botë.
Programi i festivalit përfshinte tema të ndryshme, si: dhuna ndaj grave, dhuna seksuale gjatë luftës, të drejtat e njeriut, paqja dhe drejtësia tranzicionale në Ballkan, fuqizimi i grave, të drejtat LGBTQI, të drejtat e shëndetit seksual dhe riprodhues, aktivizmi me fokus të veçantë tek të rinjtë, shkëmbimi i përvojave të suksesshme në rajon dhe në botë.E gjithë puna e paraqitur adresoi çështje që kanë të bëjnë me mirëqenien sociale dhe të drejtat e njeriut. Gjatë gjashtë ditëve që zgjati festivali, i gjithë programi ishte i qasshëm për të gjithë grupet e komunitetit dhe ishte falas për të gjithë publikun.Gjatë gjashtë ditëve të festivalit, mbi 100 artistë/e dhe aktivistë/e (gra dhe burra) nga vende të ndryshme ishin të përfshirë përmes aktiviteteve dhe projekteve të tyre, e poashtu edhe vullneratët/et që ishin pjesë e komuniteteve që jetojnë në Kosovë.
