Festivali Ndërkombëtar i Grave Artiste dhe Aktiviste
Edicioni i tretë i festivalit FemArt u mbajt nga 7 deri më 12 tetor, 2015, në Prishtinë dhe nikoqirë të aktiviteteve ishin: Teatri Oda, Fakulteti i Arteve, Teatri Dodona, Teatri Kombëtar i Kosovës dhe EUICC. FemArt si i vetmi festival feminist në Kosovë dhe më i madhi në rajon gjatë gjashtë ditëve shfaqi performanca teatrore, përballje poetike, ekspozita, punëtori, koncerte e shumë aktivitete tjera me fokus në temat rreth dhunës seksuale në konflikt, dhunës në përgjithësi, të drejtat dhe shëndeti riprodhues i grave, feminizmi ne vend dhe rajon e të tjera çështje që janë tema tabu në Kosovë.
Shumica e këtyre aktiviteteve ishin premierë në Kosovë dhe të gjitha kanë qenë pa pagesë për publikun. Përmbajtja e programit FemArt 2015: 6 performanca teatrore (5 nga ato – premierë), 1 video prezantim, 5 ekspozita – premierë, 4 ndeja, 9 punëtori, 1 takim me autorin, 5 filma documentar + 1 premierë, 5 panele diskutimi, 4 koncerte, 1 lexime skenike, 1 performancë Poezi dhe Muzikë – premierë. Gjatë gjashtë ditëve të festivalit, ishin mbi 70 artistë/e dhe aktivistë/e (gra dhe burra) nga Kosova, Shqipëria, Maqedonia Veriore, Serbia, SHBA, Gjeorgjia, Danimarka, Bosna e Hercegovina, Britania e Madhe, Austria, Gjermania, Zvicra, Italia që u përfshinë përmes aktiviteteve dhe projekteve të tyre. Festivalin e vizituan mbi 3000 njerëz
